ASEGURU-BITARTEKARIA: Orange Mediación de Seguros SLU (aurrerantzean, “Orange Mediación de Seguros”). Helbidea: Parque Empresarial “La Finca”, Paseo Club Deportivo, 1, Edificio 8, Pozuelo de Alarcón (Madrid). Aseguru-agentzia lotu gisa inskribatuta dago bitartekaria Aseguruen eta Pentsio Funtsen Zuzendaritza Nagusiaren Aseguru Bitartekarien Erregistro Berezian. Inskripzio-kodea: AJ0232. Hemen aurkitu dezakezu bitartekariari buruzko informazio guztia: https://seguros.euskaltel.com/informacion-del-mediador

Orange Mediación de Segurosen eta Zurichen, egunero egiten dugu lan zure pribatutasuna zaintzeko, zure datuak seguru egon daitezen gurekin. Zalantzarik izan ez dezazun, xehetasun guztiak emango dizkizugu, gurekin aseguruak online nola kontratatzen diren eta zure datuak nola tratatzen ditugun jakiteko.

Zurich Insurance Europe AG Frankfurten erregistratutako aseguru-konpainia bat da (zenbakia: HRB 133359. Helbidea: Platz der Einheit 2, 60327 Frankfurt, Alemania). Finantza Gainbegiratzeko Agintaritza Federalak gainbegiratzen eta erregistratzen du, eta Espainian jarduteko baimena du, kokatzeko eskubidearen erregimenean, Zurich Insurance Europe AG, Sucursal en Españaren bitartez (IFZ: W0072130H. Helbidea: Paseo de la Castellana, 81 pl. 22, 28046 Madrid). E0189 kodearekin dago erregistratuta Aseguruen eta Pentsio Funtsen Zuzendaritza Nagusiaren administrazio-erregistroan. 1060/2015 Errege Dekretuak, azaroaren 20koak, aseguru- eta berraseguru-entitateen antolamendu, gainbegiraketa eta kaudimenarenak, 123. artikuluan dioena aplikatuz, jakinarazten da, aseguru-entitatea likidatzen bada, ez dela aplikatuko likidazioaren arloko Espainiako araudia.

Aplikatu behar den legeria

50/80 Legea, urriaren 8koa, Aseguru Kontratuarena. 20/2015 Legea, uztailaren 14koa, Aseguru- eta Berraseguru-entitateen Antolamendu, Gainbegiraketa eta Kaudimenarena. 7/2004 Legegintzako Errege Dekretua, urriaren 29koa, Aseguruen Konpentsazio Partzuergoaren Legezko Estatutuaren testu bategina onesten duena. Polizaren indarraldian aplikagarria izan daitekeen beste edozein arau.

Kexak eta erreklamazioak

ECO 734/2004 Ministro Aginduan arautzen diren kexak eta erreklamazioak Enpresaren Bezeroa Defendatzeko Zerbitzura bidali ahal izango dira. www.zurich.es webgunean dago Enpresaren Erregelamendua.

SEPA klausula

Aseguruaren prima ordaintzeko edo, hala badagokio, frankiziak berreskuratzeko ordainbideei edo banku-kontuei buruzko datuak ematean, Aseguru-hartzaileak/Aseguratuak onartzen eta baimentzen du zenbateko hori kontratatu aurreko dokumentuetan eta aseguru-kontratuan adierazitako kontuan edo ordainbidean kargatzea, edo kontratua indarrean dagoela aseguru-entitateari helburu horretarako jakinarazten zaion horretan. Aseguru-hartzailea/Aseguratua ez bada adierazitako kontuaren titularra, hark ziurtatuko du titularraren baimena lortu duela.

Kontratu aurreko informazio-klausula

Aseguru-hartzaileak eta/edo Aseguratuak aitortzen du zehatzak direla eman dituen datuak. Alabaina, zehatzak ez badira, bera izango da erantzulea, Aseguru Kontratuari buruzko Legearen 10. artikuluan ezarritakoaren arabera, eta asegurua indarrean dagoen bitartean gertatzen den aldaketa ororen berri eman beharko dio Aseguru Entitateari. Halaber aitortzen du kontratua egin aurretik jaso duela aseguru- eta berraseguru-entitateen antolamendu, gainbegiraketa eta kaudimenari buruzko azaroaren 20ko 1060/2015 Errege Dekretuaren 122. artikuluan eta bat datozenetan eskatzen den informazio guztia.

Kontratu digitala

Bitarteko digitaletan harreman-sistema egonkorra ezartzeko, Bezeroak/Aseguru-hartzaileak harreman digitalen kontratu bat sinatzea adostuko du aseguru-entitatearekin. Kontratu horretan, jakinarazpen ziurtatuak erabiliko dira, eta/edo hirugarren fidagarriekiko kudeaketa-sistemak.

Kontrataziorako sarbidea

Webgune honetan jasotako produktuen eskaintza Espainian bizi diren pertsona fisiko eta juridikoei zuzenduta dago, edo helbidea edo bulego nagusia Espainian dutenei, baita egoitza Espainian duten eta Espainian kokatutako arriskuak estaltzeko beren negozioetarako eta/edo enpresa-jarduera edo jarduera profesionaletarako aseguru bat kontratatzen duten profesionalei zuzenduta ere.

Asegurua kontratatzeko, https://seguros.euskaltel.com/eu/etxe-asegurua atalera joan behar du erabiltzaileak, eta, hortik, prezioei eta/edo kontratazioari buruzko informazio- orrira, https://seguros.euskaltel.com/eu/etxe-asegurua/calculadora/inicio atalaren bitartez. Bertan, askotariko aldagaiak adierazi ondoren, pixkanaka doituko zitzaion prezioa, azken preziora iritsi arte.

Aurrekontuen eta prezioaren eskaera

Pantailan aurrekontua eskatzeko aseguru-produktua hautatu ondoren, gutxi gorabeherako prezioa eman ahal izateko nahitaezko eta ezinbesteko informazioa adieraz dezala eskatuko zaio erabiltzaileari. Prezio hori aseguru-hartzailearen profilera egokituz joango da. Horretarako, zenbait eremu bete beharko ditu webgunearen bitartez, nabigazio- pantailen sekuentzia logiko batean. Ildo beretik, enpresak aurrekontuaren datuak gordeko ditu, edonoiz berreskuratu eta kontratazio-prozesuarekin jarraitu ahal izateko. Kasuan kasu, hauek osatzen dute aurrekontua: erabiltzaileak betetako datuak, ondoriozko prezioen eskema eta aurrekontuan aipatzen den aseguruaren baldintzak. Aurrekontua eskatzeak inola ere ez dakar berekin aseguramendurik, ez behin-behinekoa, ez behin betikoa, eta orientagarria izango da aseguruaren aurrekontuari dagozkion datu guztiak adierazten ez diren arte.

Kontratazioa eta ordaintzeko modua

Aseguru-produktuaren aurrekontua berrikusi ondoren, erabiltzaileak, aseguruaren estaldurak eta baldintzak eta lotutako prezioa ulertzen baditu, datu fiskalak, ordaintzeko modua eta poliza indarrean jarriko den data identifikatu beharko ditu. Xede horretarako jarritako botoi baten bitartez kontratatu ahal izango du poliza pantailan bertan.

Poliza izenpetzeko, lehenik, aurrekontua onartuko du Bezeroak; ondoren, kontratua onartzeko eta egiteko beharrezkoak diren bere datu pertsonalak eta bankukoak emango ditu, eta, azkenik, kontratua sinatuko du. Prozesu horretan gorabeherarik izanez gero, hasierako orrira itzultzea gomendatzen da, edo Orange Mediación de Segurosekin harremanetan jartzea.

Primaren zenbatekoa urtero edo hilero ordaindu ahal izango da. Era berean, urtero berritu ahal izango da asegurua, kontratatutako polizari aplikagarriak zaizkion baldintza partikularren eta orokorren arabera.

Eskatzaileak kontratazio-prozesuan eman eta berretsi digun informazioan oinarrituko da poliza. Prima ordaindutakoan soilik izango du balioa aseguruak, eta kontratatu diren bermeak estaliko ditu, polizaren baldintza partikularretan adierazitako epearen barruan.

Aldaketak eta gehigarriak

Kontratua egin eta poliza jaulki ondoren, erabiltzaileak, edozein aldaketa egin nahi badu polizari lotutako informazioan edo haren gehigarri batean, esleitu zaion agentearekin harremanetan jarri behar du.

Bitartekariaren informazioa

Orange Mediación de Seguros SL Sociedad Unipersonal, Agencia de Seguros vinculada (IFKa: B-88592878. Sozietate-egoitza: Parque Empresarial “La Finca”, Club Deportivo pasealekua, 1, 8 eraikina, 28223, Pozuelo de Alarcón, Madril). MasOrange taldekoa, zeinak aseguru-etxe hauen aseguruak banatzen baititu: Zurich Insurance Europe AG, sucursal en España eta Zurich Vida Compañía de Seguros y Reaseguros SA. Orange Mediación de Segurosek erantzukizun zibileko aseguru bat dauka sinatuta, eta Aseguruen eta Pentsio Funtsen Zuzendaritza Nagusian duen erregistro-zenbakia AJ0232 da.